» » Körpənin qızdırmasını necə salmalı

Körpənin qızdırmasını necə salmalı

Zamir 1003
Valideynlər bilməlidir ki, körpələrdə hərarətin bir qədər yüksəlməsi heç də hər hansı bir xəstəliyin əlaməti deyil. Xəstəliyin digər əlamətlərinin olmaması fonunda 1 yaşadək olan uşaqlarda temperaturun 37,2 C-dək olması normal hesab edilir.1 yaşınadək olan uşaqlarda termorequlyasiya prosesi (bədəndə olan istiliyi ətraf mühitə vermək) yaxşı inkişaf etmədiyi üçün, onların temperaturu bəzi hallarda sadəcə olaraq, məsələn, onu havaya uyğun olmayaraq isti geyindirdikdə və ya axşam yatarkən həddindən artıq isti bürüdükdə qalxa bilər. Bu halda, temperaturu aşağı salmaq üçün uşağı sadəcə olaraq, bir qədər yüngül geyindirmək lazımdır.

Bir qədər yuxarı yaşlarda olan uşaqlarda temperaturun yüksəlməsi, uşaq həddindən artıq hərəkətli olduqda, qaçdıqda, atılıb-düşdükdə, çox tərlədikdə baş verə bilər. Bu halda uşağı bir yerdə otuzduraraq ona istədiyi qədər su vermək və sakitləşdirmək lazımdır. Bir qədər keçdikdən sonra isə onun temperaturunu bir daha ölçün. Temperatur enibsə, demək narahatçılıq üçün bir səbəb yoxdur.

Valideynlər həmçinin onu da bilməlidirlər ki, “zərərsiz” hesab edilən angina və qripdən savayı, temperaturun xeyli dərəcədə yüksəlməsi (39 C-dən artıq), digər daha ağır və qorxulu olan pnevmaniya (ağ ciyərlərin iltihabı), pielonefrit (böyrəklərin iltihabı), sepsis (qorxulu mikrobların qana keçməsi) və s. xəstəliklər nəticəsində də ola bilər. Buna görə də yüksək temperatur zamanı uşağa ilkin yardım göstərdikdən sonra, uşağa nəzarət edən həkim-pediatrı tez bir zamanda evə çağırmaq lazımdır. Həkim uşağı müayinə edərək temperaturun yüksəlməsinin səbəbini müəyyən etdikdən sonra ona müvafiq müalicə də təyin edəcəkdir.

Uşaqlarda temperaturu düzgün olaraq necə ölçmək lazımdır? Elektron termometrlər rahat olsa da, həkimlərin dediklərinə görə daha tez-tez “səhv edirlər”. Uşağın özünün şəxsi termometri olmalı və hər dəfə istifadə edilməzdən əvvəl onu spirtlə silmək lazımdır. Uşağın bədən temperaturunu o arxası üstə uzanarkən ölçmək daha yaxşıdır. Bu zaman qoltuqaltı nahiyə quru olmalıdır. Uşaq tərləyibsə, əvvəlcə qoltuğun altını silmək lazımdır. Termometri uşağın qoltuğunun altına qoyaraq, onun sürüşüb düşməməsinə nəzarət edin. Civəli termometr ilə temperaturun ölçülmə müddəti 5-7 dəqiqədir. Uşaq xeyli bürünmüş olarsa, temperaturu ölçmək lazım deyil (bu, xüsusən də körpə uşaqlarda, temperaturun nəticəsinə təsir edə bilər). Uşaq xeyli dilxor, yorğun və əsəbi olduqda, ağladıqda və s. bu kimi hallarda da onun temperaturunu ölçməyi təxirə salmaq lazımdır.
Bu aylarda uşağın qidasına naringi, portağal, feyxua, çərəz alma, yerkökü əlavə etmək lazımdır. Bol su içilməsinə diqqət etmək lazımıdr. Çünki su balansının pozulmasından bağırsaqda bakteriyalar immum sistemini zəiflətməyə başlayırlar.
Uşaqda temperatur qalxdıqca gün boyu heç bir yemək filan verməsəniz də olar. Həm uşağının özünün də iştahası olmur. Ona görə də uşağa ancaq mürəbbəli maye vermək lazımdır. Meyvə şirələri də olar. Maye əsas itburnu, qarağat yarpağı, çiyələk yarpağı kimi dəmləmələr içirilməlidir.
Qızdırmaya səbəb bağırsaqdakı problemdirsə, limon ya çobanyastığı dəmləməsi ilə bağırsaq klizma edilərsə, qızdırma düşər.
Uşağın ayağına sirkəli suya batırılıb sıxılmış nəm corab geyindirmək qızdırmanın salınmasına kömək edəcək.
Uşağın başını islatmadan ilıq suya bir neçə dəfə salıb çıxartmaq qızdırmanın aşağı düşməsinə kömək edəcək.
Yaxud nəm əski ilə uşağın büküş yerlərini silmək qızdırmanın aşağı düşməsinə kömək edəcək.
Soyuqlayan uşağa qara turp arasına bal qoyulur onun suyunu gündə 1 ç.q içirilir.
Yaxud soğanın arasına qoyulmuş balı, soğan suyu ilə qarışdıqda gündə 1ç.q uşağa içirilir.
Zəncəfil, bal, limon, darçın hərəsindən eyni miqdarda götürülür. Qarışdırılır hər gün 1 ç.q uşağa içirilir.
Bunlar hər biri kimyəvi preparat əvəzinə çox gözəl və sınanılmış təbii dərmanlardır.
Bu təbii dərmanları 1 yaşından yuxarı uşaqlara və böyüklərə vermək olar.


atv-xəbərə istinadən
скачать dle 10.5фильмы бесплатно

Məqaləni paylaş

Rəyini bildir