psixoloq.info » Manşet » İllərlə bakirə olaraq qalırlar

İllərlə bakirə olaraq qalırlar

Zamir 785
Belə qadınlar ailəli olsalar da illərlə bakirə olaraq qalırlar. Bir müddət özlərinə vaxt verirlər ki, bəlkə müəyyən müddətdən sonra onlar bir-birlərinə öyrəşərlər və bu problem öz-özünə həll olar.

VAGİNİZM ( vajinismus) - cinsi əlaqə qorxusu olub (ilk gecə qorxusu, ağrılı cinsi əlaqə) qadınlarn özlərindən asılı olmayaraq əzələlərin (ayaq, çanaq dibi və s.) , eləcə də bütün bədənin ani şəkildə kəskin yığılması və sıxılması nəticəsində cinsi əlaqənin mümkün olmamasıdır.

Sizə çoxlarının xəbərsiz olduğu xəstəlik haqqında məlumatı təqdim edirik. Vaginizm, qızların beyinlərində yaratmış olduqları qorxulardan ( qanama, şiddətli ağrı və s.) dolayı formalaşdırdıqları yalnış düşüncələrə inandıqları problemdir! Bu zaman qızlar cinsi əlaqəyə girməkdən imtina edərək şiddətli ağrıların olacağını və ya beynində formalaşdırdığı qorxunu səbəb kimi izah etməyə çalışırlar.

Qadınları intihar həddində çatdıran cinsi xəstəlik- "illərlə bakirə olaraq qalırlar"

Belə qadınlar ailəli olsalar da illərlə bakirə olaraq qalırlar. Bir müddət özlərinə vaxt verirlər ki, bəlkə müəyyən müddətdən sonra onlar bir-birlərinə öyrəşərlər və bu problem öz-özünə həll olar. Hətda bilmirlər ki bu əlamətlər vaginizmin (vajinismus) əlamətləridir. İlləri illərə calayaraq həyatlarını vajinismusun verdiyi fəsadlara qurban verirlər.

Vajinismusun verdiyi fəsadlar isə qadının psixologiyasını poza bildiyi qədər pozur. Onu insanlardan qaçmağa, özünə qapanmağa, hamıdan bədbəxt olduğunu düşünməyə vadar edir. Onlar bütün qadınlardan fərqli olduğunu - bir əskiyinin olduğunu düşünür, özünə güvəni itirir, depressiyaya düşür və sevərək ailə qurduğu həyat yoldaşından ayrılmağı özünə çıxış yolu tapır. Çox vaxt bu problemdən qaçmaq üçün "nahaq ailə qurdum" deyə özünü günahlandırır və hətta özlərinə qəsd etməyi də düşünənlər az deyil. Qadın xəyallarında canlandırdığı xoşbəxt ailə tablosunu bu vəziyyətə gətirib çıxatdığı üçün özünə nifrət edir... Həyat yoldaşının qarşısında günahkarlıq hissi onu rahat braxmır.

Bu hissləri və daha artıqlarını vajinismus yaşayan qadınlar daha yaxşı bilir...



GoldNews.az
Dr. Günay Hacıyeva

Məqaləni paylaş

Rəyini bildir